Մաքուր սնվելու սննդակարգի ծրագրի ուղեցույց

Ոuսումնասիրեք այն ամենը, ինչ պետք է իմանալ “Մաքուր սննդակարգ” կոչված դիետա սկսելուց առաջ, ներառյալ պատմությունը, խորհուրդները, բաղադրիչները և դրա ետևում կանգնած գիտական հետազոտություններ:

Քննարկելով սննդակարգերը՝ որպես կանոն մենք կարող ենք տարաբաժանել դրանց սպեկտրի, որտեղ մեկ ծայրում գտնվում է սննդի քանակը, իսկ մյուսում՝ սննդի որակը:

Մաքուր սնվել հասկացողությունը նկատի ունի օգտագործել մաքսիմալ որակյալ սնունդ, և դրա սկզբունքը կենտրոնանում է սննդի ճիշտ ընտրության մեջ. ընտրե՛ք ամբողջովին թարմ և չմշակված սննդամթերք: Խուսափե՛ք վերամշակված, ռաֆինացված, արհեստական բաղադրիչներ պարունակող սննդամթերքից, ալկոհոլից, գազավորված ըմպելիքներից և մրգային հյութերից:

Մաքուր սնվելու պատմությունը

​Քանի որ մաքուր սնվելը որևէ կոնկրետ սննդակարգ չէ, այլ՝ ընդհանուր սկզբունք, ապա դժվար է հետևել դրա պատմությանը որպես սննդակարգի պարադիգմ մինչ դրա հստակ սկիզբը:

Կարելի է հարգանքի տուրք մատուցել հույն անտիկ բժիշկ Հիպոկրատին, ով գրել է սննդակարգի սկզբունքների վերաբերյալ առաջին գրություններից մեկը և հեղինակն է հանրաճանաչ այս ասացվածքի. «Թող դեղորայքը լինի սնունդ, իսկ սնունդը՝ դեղորայք»:

Մաքուր սնվելու սննդակարգի բաղադրիչների և հիմնական սկզբունքների ընդհանուր ակնարկ

Մաքուր ուտելը հիմնված է ամբողջ, բնական չմշակված սնունդ ուտելու սկզբունքի վրա:

Մաքուր ուտելու կողմնակիցներից շատերը ենթադրում են, որ այն իսկապես դիետա չէ, այլ տեսակետ է այն մասին, թե ինչ պետք է ուտել և ինչ՝ չուտել: Այն կենտրոնանում է սննդի որակի և ոչ թե քանակի վրա, այնպես որ կալորիաների հաշվարկը չի կիրառվում այս սննդակարգային շրջանակներում:

Սննդի ժամանակացույցը / հաճախությունը

Սկզբունքորեն, մաքուր սնվելը չունի խիստ պահանջներ սննդի ընդունման ժամանակի կամ սննդի հաճախականության վերաբերյալ:

Այնուամենայնիվ, պրակտիկորեն առավել մաքուր սնվելու ծրագրերը ենթադրում են, որ մարդիկ օրվա ընթացքում ուտում են քիչ քանակով 5-6 անգամ, մաքուր սնունդ և նախուտեստներ, այլ ոչ թե 3 հիմնական ծավալուն սնունդ:

​Սահմանափակումներ

Մաքուր սնվելը անհատների համար սննդի բավականին էական սահմանափակումներ է ներկայացնում: Մաքուր սնվելու դիետաները պահանջում են, որ մարդիկ սնվեն միայն բնական ամբողջական թարմ սննդով և խուսափեն այն ամենից, ինչը վերամշակվում է:

Սա բացառում է մակարոնեղենը, հացաբուլկեղենը, թխվածքաբլիթները, չիպսերը և մշակված ցանկացած այլ բան: Այս մոտեցումը բացառում է նաև համեմունքների, մանանեխի, մայոնեզի և նմանատիպ պրոդուկտների օգտագործումը:

Բացի դրանից, խմիչքների մեծ մասը սահմանափակված է. սա ներառում է ալկոհոլ, գազավորված ըմպելիքներ և մրգային հյութեր:

​Արդյո՞ք դա ներառում է փուլեր

Սովորաբար մաքուր սնվելու սննդակարգը չի ներառում փուլեր:

Մաքուր սննդակարգի դեղատոմսերի մեծ մասը, որոնք նկարագրված են գրքերում և հոդվածներում, նախաձեռնում են մարդկանց կիրառել դիետայի ամբողջական սպեկտրն իսկզբանե: Ոմանք նույնիսկ ներառում են 30 օրվա մարտահրավերներ, որոնց ընթացքում բնական սննդամթերքները պետք է  օգտագործվեն այդ ընթացքում` առանց ծրագրից շեղվելու: 

Ո՞ւմ է դա համապատասխանում

Մաքուր սնվելը լավագույնս համապատասխանում է այն մարդկանց, ովքեր կենտրոնացած են սննդի որակային հատկությունների վրա, չեն հաշվում կալորիաները և ովքեր դեմ չեն սննդի նկատմամբ բավականին լուրջ սահմանափակող մոտեցումներին:

Մաքուր սնվելը թույլ է տալիս զգալի ճկունություն ունենալ սննդի քանակի, ընդունման ժամերի ու հաճախության մեջ, և որոշակի ջանքերով և ջանասիրությամբ դիետան կարող է օգտագործվել բոլորովին տարբեր նպատակներ ունեցող մարդկանց կողմից (օրինակ՝ ճարպի այրում, մկանների զարգացում կամ զանազան սպորտային նապատակներ):

Հե՞շտ է արդյոք մաքուր սննդակարգին հետևելը

Մաքուր սննդակարգին հետևելու հեշտ կամ դժվար լինելն իսկապես կախված է մարդու տեսակից և սննդային նախասիրություններից: Այն մարդկանց համար, ովքեր սիրում են ուտել և չեն սահմանափակում իրենց սնունդ ընդունելու մեջ, մաքուր ուտելը կարող է դժվար լինել:

Իսկ նրանք, ովքեր սնվելու մոդելը դարձնում են սովորույթ, դեմ չեն սահմանափակումներին և ունեն կամքի ուժ, կարող են մաքուր սնվելը դարձնել կյանքի ռիթմ:

​Դիետայի հետևում գտնվող հիմնական հավատը

Մաքուր սնվելու դիետայի հիմնական համոզմունքն այն է, որ բնական սննդամթերքն ու կերակուրներն օպտիմալ են մարդու առողջության համար և բնական կերպով վերահսկում են կալորիականությունը:

Գիտական ​​ուսումնասիրություններ և տվյալների մեկնաբանություն

Մինչ օրս չկան հրապարակված հետազոտություններ, որոնք ուսումնասիրում են մաքուր սննդակարգի ազդեցությունը, ինչը դժվարացնում է եզրակացություններ անելը այս սննդակարգի գիտական ​​արդյունավետության վերաբերյալ: Այնուամենայնիվ, կան մի քանի բաներ, որոնք մենք կարող ենք նշել:

Ընդհանուր առմամբ, բնական սննդամթերքները ավելի հագեցած են, քան դրանց վերամշակված տարբերակները: Սա հնարավորություն է տալիս վերահսկել կալորիաների ընդունումը շատ ավելի մեծ թվով մարդկանց համար:

Բացի դրանից, բարձր որակի սննդակարգը նպաստում է առողջության բարելավմանը և չի խթանում 2-րդ տիպի շաքարախտի զարգացումը:

Եզրակացություն

Մաքուր սնվելը (սննդակարգը) ամբողջությամբ հիմնվում է որակյալ սննդամթերքի և կերակուրների օգտագործման սկզբունքների վրա:

Դիետայի հիմնական սկզբունքները կարելի է թվարկել հետևյալ կերպ. խուսափել վերամշակված սննդից, խուսափել զտված սննդից, խուսափել արհեստական ​​բաղադրիչներից, խուսափել ալկոհոլից, խուսափել գազավորված ըմպելիքներից և մրգային հյութերից: