Դադարե՛ք մտածել մկանային զանգվածի աճեցման մասին և փորձե՛ք այս 5 պարզ բաղադրատոմսերը, որոնք մշակվել են՝ Ձեր մկաններին սպիտակուցի հսկայական քանակ հասցնելու և Ձեզ իրենց գերազանց համով հիացնելու համար:
Դժվար է գտնել մկանային համակարգը ծանր պարապմունքներից հետո վերականգնելու հեշտ համակարգ՝ առանց շատ ժամանակ ծախսելու առավոտյան առողջ նախաճաշերի պատրաստման վրա: Այսօրվա դրությամբ շուկան հեղեղված է զանազան արագ պատրաստման կիսաֆաբրիկատ նախաճաշերով, որոնց արտադրողները խոստանում են անսպառ էներգիա և մեծ քանակի սպիտակուցներ: Սակայն իրականում այդ կիսաֆաբրիկատները չեն պարունակում պատշաճ քանակի սպիտակուցներ, սննդային նյութեր և արագ առաջացնում են սովի զգացում: Իդեալական նախաճաշի տարբերակ փնտրելով՝ իվերջո մարդիկ ընկնում են անվերջ փնտրտուքների մեջ՝ լուրջ վնաս հասցնելով իրենց առողջությանը:
Մկան զարգացնող պարզ և լավագույն նախաճաշերը
Ստորև բերված են բարձր սպիտակուցային պարունակությամբ 5 արագ նախաճաշի տարբերակներ, որոնք կօգնեն Ձեզ աճեցնել մկանային զանգված, բավականին հագեցնող են, հեշտ պատրաստվող և շատ համեղ:
1. Թարմացնող հատապտղային նախաճաշ
Այս հոյակապ նախաճաշի համար պետք է նախապատրաստություն տեսնել երեկոյան՝ խառնելով կես բաժակ վարսակի փաթիլներ մեկ բաժակ մածունի հետ և ցանկության դեպքում ավելացնել մի քիչ վանիլային էքստրակտ, այնուհետեվ պահել սառնարանում մինչ առավոտ: Առավոտյան ավելացնել մրգեր կամ հատապտուղներ ըստ ցանկության և 1 բաժին վանիլային պրոտեին, այնուհետև խառնել և վայելել:
2. Օմլետ բանջարեղենով
Եթե ունեք օմլետ պատրաստելու բավարար ժամանակ, ապա կարող եք փորձել այս սոուպեր օգտակար և համեղ տարբերակը, որը նաև շատ հարմար է նրաց համար, ովքեր պահում են ցածր ածխաջրային դիետա, քանզի ունի ցածր կալորիականություն: Վերցրեք 3 ձու, ¼ բաժակ քերած անյուղ պանիր, տարբեր բանջարեղեն և կանաչի ըստ ցանկության (օր.՝ կտրատած սպանախ, սունկ, լոլիկ, պղպեղ, սոխ): Ավելացրեք մի քիչ աղ, սև պղպեղ, խառնեք այս ամենը և տապակեք: Տապակելու համար կարող եք օգտագործել ձիթապտղի յուղ: Ահա և վերջ, ձեր բուսական օմլետը պատրաստ է:
3. Մրգային կաթնաշոռ
Դժվար է թերագնահատել կաթնաշոռի դերը մկանային զանգված աճեցնելու գործում: Կաթնաշոռով նախաճաշ պատրաստելը շատ արագ է, պարզ և այն ունի սպիտակուցի մեծ պարունակություն: Պարզապես խառնեք 1 բաժակ կաթնաշոռ ձեր նախընտրած մրգերի կամ հատապտուղների հետ (օր.՝ դեղձ, ելակ, խնձոր և այլ) և կստանաք արագ պատրաստման սպիտակուցային նախաճաշ՝ հարուստ մանրաթելային ածխաջրերով:
4. Պրոտեինային վարսակ
Երբ գալիս է այն պահը, որ ցանկանում եք ամեն ինչ խառնել մեկ ամանի մեջ և համով ուտել, ապա այս տարբերակը ձեզ համար է: Այս արագ նախաճաշը պարունակում է բարդ ածխաջրեր, շիճուկային պրոտեին (Whey Protein) և օգտակար ճարպեր: Խառնեք ½ բաժակ վարսակի փաթիլներ, 1 ճաշի գդալ գետնանուշի կարագ, 1 թեյի գդալ դարչին, ½ բաժակ անյուղ կաթ և 1 թեյի գդալ քաղցրացուցիչ: 1 րոպե միկրոալիքային վառարանի մեջ տաքացնելուց հետո ավելացրեք 1 բաժին վանիլային պրոտեին, խառնեք այս ամենը և ավելացրեք ջուր ցանկալի մածուցիկություն ապահովելու համար: Եվ ահա, ձեր գեր սննդարար նախաճաշ-կոկտեյլը պատրաստ է:
5. Բեկոնով և ձվով սենդվիչ
Քնելուց առաջ պատկերացրե՛ք, որ առավոտյան ձեզ սպասելու է այս ախորժալի և օգտակար սենդվիչը, և լավ երազները ապահոված են 😉
Տապակեք 1 ձու ձվածեղի կամ օմլետի տարբերակով և տեղադրեք այն ամբողջահատիկ ցորենից հացի տոստի վրա:
Այնուհետև ավելացրեք պանիր, ապուխտ, սպանախ, լոլիկ և թարմ ավոկադո, ծածկեք ևս մեկ հացի տոստով, և ձեր սենդվիչը պատրաստ է:
